Amazon Linux 2023 वर Nginx सह WordPress Install करा

By Ravindra Bagale, trainer · LinkedIn · Last updated: 18 October 2026

1. WordPress म्हणजे काय: CMS, framework नाही

का: काहीही install करण्याआधी ते कोणत्या प्रकारचं software आहे ते माहीत हवं. Install नंतर काम कोण करणार ते त्यावरून ठरतं: code लिहिणारा developer, की content टाइप करणारा site owner.

काय:

1. Framework म्हणजे developers ना app लवकर बनवायला मदत करणारा तयार code: PHP साठी Laravel, Python साठी Django आणि Flask, Node.js साठी Express. Pages, forms आणि login तुम्हालाच लिहावे लागतात.
2. CMS (content management system) म्हणजे install करून मग content ने भरायची तयार website. WordPress हा PHP मध्ये लिहिलेला CMS आहे. Site owner admin dashboard मधून code शिवाय लिहितो, सजवतो आणि publish करतो.
3. WordPress मध्ये pages आणि posts database मधल्या rows असतात, वेगवेगळ्या HTML files नाही. Visitor post उघडतो तेव्हा PHP ती row वाचून page लगेच बनवतो, जसं एखादं app प्रत्येक reel त्याच्या database मधून आणतं.

काय बनवू शकता: blog, news site, company website, portfolio, video site, किंवा WooCommerce सारख्या plugin सह online shop. Flipkart सारखा shop सुद्धा WordPress ने बनवता येईल, पण खूप मोठे shops बहुतेक स्वतःचा code लिहितात.

2. Server: LEMP

का: WordPress हा PHP code आहे जो सगळं MySQL-compatible database मध्ये ठेवतो. त्याला web server, PHP, एक रिकामा database आणि लिहिता येईल असा folder लागतो.

काय: LEMP = Linux + nginx (उच्चार Engine-X) + MariaDB + PHP. nginx ऐवजी Apache असेल तर याच stack ला LAMP म्हणतात. इथे आपण nginx वापरतो.

कसं:

1. Amazon Linux 2023 आणि t3.micro सारखा छोटा type घेऊन EC2 instance launch करा. त्याच्या security group मध्ये तुमच्या IP वरून SSH (22) आणि HTTP (80) allow करा.
2. Connect करा: ssh -i key.pem ec2-user@SERVER-IP.

3. PHP च्या MySQL driver सकट stack install करा:

   sudo yum install nginx mariadb105-server php php-fpm php-mysqlnd -y
   

4. Install fail झालं तर आधी sudo yum update -y ने package list update करा, मग परत try करा.

1. तीन services सुरू करा:

   sudo service nginx start
   sudo service mariadb start
   sudo service php-fpm start
   

2. WordPress च्या आधी HTML आणि PHP test करा:

   echo '<h1>HTML works</h1>' | sudo tee /usr/share/nginx/html/index.html
   echo '<?php phpinfo();' | sudo tee /usr/share/nginx/html/info.php
   

3. http://SERVER-IP/ आणि http://SERVER-IP/info.php उघडा. HTML works आणि PHP चं मोठं information page दिसेल. मग test page delete करा, कारण ते server details दाखवतं: sudo rm /usr/share/nginx/html/info.php.

3. PHP चा MySQL driver

का: WordPress चं index.php सुरुवातीलाच database ला connect होतं. Driver नसेल तर PHP कडे mysqli functions नसतात आणि installer तुमच्या PHP installation मध्ये MySQL extension नाही असा error देऊन थांबतो.

कसं:

1. Package चं नाव php-mysqlnd. वरच्या install command मध्ये तो होता; राहिला असेल तर आता install करा: sudo yum install php-mysqlnd -y.
2. फक्त php-fpm restart करा, कारण PHP extensions तोच load करतो: sudo service php-fpm restart.
3. तपासा: php -m | grep -i mysql मध्ये mysqli, mysqlnd आणि pdo_mysql दिसतात.

4. WordPress download करा

का: WordPress free, open-source code आहे. तो एकदा server वर download करायचा, आणि nginx तिथून serve करतो.

काय: नेहमी https://wordpress.org/latest.zip वरून stable release घ्या. GitHub वरची development branch ची copy अपूर्ण code असतो, तो WordPress developers साठी, website साठी नाही.

कसं:

1. Web root मध्ये जा आणि download करा:

   cd /usr/share/nginx/html
   sudo wget https://wordpress.org/latest.zip
   

2. Unzip करा: sudo unzip latest.zip. sudo लागतो कारण web root root च्या मालकीचा आहे. wget किंवा unzip नसेल तर sudo yum install wget unzip -y ने install करा.

3. Zip मधून एक folder बनतो, wordpress, आणि त्यात index.php, wp-admin, wp-content, wp-includes आणि wp-config-sample.php. ls wordpress ने तपासा.
4. Folder चं नाव wordpress ठेवा: एकच शब्द, सगळे small letters. Linux paths case-sensitive असतात, म्हणून WordPress आणि wordpress हे दोन वेगळे folders, आणि nginx config मधलं नाव अगदी तसंच जुळायला हवं.

1. Zip काढून टाका: sudo rm latest.zip.

5. nginx ला WordPress कडे वळवा

का: nginx अजून /usr/share/nginx/html serve करतो, म्हणून IP वर जुनं test page दिसतं. त्याने wordpress folder serve करायला हवा, default ने index.php उघडायला हवं, आणि WordPress च्या post links index.php कडे पाठवायला हव्यात.

काय: sudo nano /etc/nginx/nginx.conf ने main config उघडा आणि server { ... } block शोधा. या ओळी directives आहेत, म्हणजे nginx वाचतो त्या settings:

1. server_name _; Underscore म्हणजे कुठलंही नाव किंवा IP. Domain नसेपर्यंत हेच ठेवा; इथे मनाने domain name बनवू नका.
2. root /usr/share/nginx/html/wordpress; nginx serve करतो तो folder.
3. index index.php; कोणी folder मागितला, उदा. /, तर nginx त्यातली index.php उघडतो.
4. location / { try_files $uri $uri/ /index.php?$args; } Request खरी file ($uri) किंवा खरा folder ($uri/) नसेल तर ती WordPress च्या index.php कडे द्या. /hello-world/ सारख्या WordPress post links disk वर नसतात, म्हणून ही ओळ नसेल तर त्या 404 Not Found देतात.
5. include /etc/nginx/default.d/*.conf; ही ओळ तशीच ठेवा: Amazon Linux 2023 वर php-fpm package त्याच्या PHP settings तिथे ठेवतं, म्हणून nginx .php files php-fpm कडे देऊ शकतो.

कसं: बदल केल्यावर block असा दिसतो:

server {
    listen       80;
    listen       [::]:80;
    server_name  _;
    root         /usr/share/nginx/html/wordpress;
    index        index.php;

    location / {
        try_files $uri $uri/ /index.php?$args;
    }

    # Load configuration files for the default server block.
    include /etc/nginx/default.d/*.conf;
    ...
}

1. Save करा, मग syntax test करा: sudo nginx -t. त्यात syntax is ok आणि test is successful दिसायलाच हवं.
2. लागू करा: sudo service nginx reload.
3. http://SERVER-IP/ उघडा. WordPress तुम्हाला /wp-admin/setup-config.php वर, म्हणजे installer कडे, पाठवतं.

6. Ubuntu वर याच steps

का: WordPress कुठल्याही Linux वर चालतं. प्रत्येक भाग काय करतो ते समजलं की फक्त नावं आणि paths बदलतात.

Ubuntu वर काय बदलतं:

1. yum ऐवजी apt: sudo apt install nginx mariadb-server php-fpm php-mysql -y.
2. Web root /var/www/html आहे, म्हणून WordPress /var/www/html/wordpress मध्ये जातं.
3. Server block /etc/nginx/sites-available/default मध्ये असतो, आणि PHP साठी तिथे php-fpm socket कडे point करणारा स्वतःचा location ~ \.php$ block लागतो.
4. php-fpm www-data म्हणून चालतो, आणि त्याच्या service च्या नावात version असतं, उदा. php8.3-fpm.
5. Apache ला Ubuntu वर apache2 आणि Amazon Linux वर httpd म्हणतात; nginx दोन्हीकडे nginx.

7. Database आणि फक्त WordPress साठी user

का: WordPress ला एक रिकामा database आणि त्याचा login लागतो. तो login root नसावा: WordPress ला असा स्वतःचा user द्या जो फक्त त्याच्याच database ला हात लावू शकतो. Site कधी hack झाली तरी नुकसान त्या database पुरतंच राहतं.

कसं:

1. MariaDB administrator म्हणून उघडा: sudo mysql (root password ठेवला असेल तर mysql -u root -p).

2. Database आणि user बनवा, placeholder च्या जागी स्वतःचा strong password टाका:

   CREATE DATABASE wordpressdb;
   CREATE USER 'wpuser'@'localhost' IDENTIFIED BY 'YOUR_STRONG_DB_PASSWORD';
   GRANT ALL ON wordpressdb.* TO 'wpuser'@'localhost';
   FLUSH PRIVILEGES;
   exit;
   

3. GRANT ALL ON wordpressdb.* मुळे wpuser ला wordpressdb मधल्या प्रत्येक table वर सगळे rights मिळतात, आणि बाहेर कुठेच काही नाही. Tables बनवायला आणि नंतर update करायला WordPress ला हे rights लागतात.

4. Small letters मधली नावं वापरा. Linux वर MariaDB च्या database names case-sensitive असतात: WordPressDB आणि wordpressdb हे दोन वेगळे databases, आणि installer मध्ये नाव न जुळल्यास database connection error येतो.

1. Installer या step मधल्या चार गोष्टी विचारेल: database name, user name, त्याचा password, आणि host, localhost, कारण MariaDB त्याच server वर चालतो.

8. WordPress ला त्याच्या folder मध्ये लिहू द्या

का: Installer wp-config.php लिहितो, आणि नंतर WordPress upload केलेल्या images, themes आणि updates त्याच्या folder मध्ये save करतो. sudo unzip नंतर folder root च्या मालकीचा असतो, म्हणून PHP तिथे लिहू शकत नाही. हे chmod 777 ने कधीच "दुरुस्त" करू नका: त्याने server वरचा प्रत्येक user आणि प्रत्येक program प्रत्येक file बदलू शकतो.

काय: PHP चालवणाऱ्या user ला folder चा owner करा. Amazon Linux 2023 वर php-fpm apache म्हणून चालतो (/etc/php-fpm.d/www.conf मधली user = apache ओळ). Ubuntu वर तो www-data असतो.

कसं:

1. Folder apache ला द्या:

   sudo chown -R apache:apache /usr/share/nginx/html/wordpress
   

2. Folders ला 755 आणि files ला 644 द्या:

   sudo find /usr/share/nginx/html/wordpress -type d -exec chmod 755 {} +
   sudo find /usr/share/nginx/html/wordpress -type f -exec chmod 644 {} +
   

3. 755 आणि 644 म्हणजे: owner (apache) लिहू शकतो; बाकी सगळे, nginx सकट, फक्त वाचू शकतात. Images आणि CSS पाठवायला nginx ला एवढंच लागतं.

4. दुसरा मार्ग: wp-config-sample.php ची copy wp-config.php म्हणून स्वतः करा आणि त्यात database च्या चार values टाका. मग installer पहिली screen वगळतो. Uploads आणि themes साठी wp-content तरीही WordPress च्या मालकीचा हवा.

9. Installer

का: Installer WordPress ला database शी जोडतो, त्याचे tables बनवतो आणि तुमचं admin account बनवतो. तो browser मध्ये एकदाच चालतो.

कसं:

1. http://SERVER-IP/ उघडा. पहिली screen भाषा विचारते. मग काय काय लागेल त्याची list असलेली welcome screen येते.

1. Let's go! दाबा आणि screen 1, म्हणजे database details भरा:
   1. Database Name: wordpressdb
   2. Username: wpuser
   3. Password: CREATE USER मध्ये ठेवलेला
   4. Database Host: localhost
   5. Table Prefix: wp_. प्रत्येक WordPress table या prefix ने सुरू होतो, म्हणून वेगळे prefix असलेल्या दोन sites एकच database सुद्धा वापरू शकतात. एका site साठी wp_ च ठेवा.
2. Submit, मग Run the installation दाबा. WordPress wp-config.php लिहितो आणि रिकाम्या database मध्ये स्वतःचे tables बनवतो: wp_posts, wp_users, wp_options आणि आणखी नऊ.

1. Screen 2 भरा, म्हणजे तुमच्या website चे details. हा database पेक्षा वेगळा login आहे:
   1. Site Title: site चं नाव, उदा. My Practice Blog. नंतर बदलता येतं.
   2. Username: admin login. वेगळं नाव निवडा, admin किंवा root कधीच नाही: attackers आधी तेच try करतात.
   3. Password: मोठा आणि strong. WordPress एक सुचवतो; तो जपून ठेवा.
   4. Your Email: WordPress password reset आणि सूचना इथे पाठवतो.
   5. Search engine visibility: Discourage search engines from indexing this site ला tick केलं की Google आणि इतरांना site list न करण्याची विनंती जाते. ही विनंती आहे, कुलूप नाही: address माहीत असलेला कोणीही site उघडू शकतो. Practice करताना tick ठेवा; site live झाली की काढा.
2. Install WordPress दाबा. Success! दिसेल. Log In दाबा आणि screen 2 मधल्या username आणि password ने http://SERVER-IP/wp-admin वर sign in करा.
3. Installer ने wp-config.php मध्ये database password लिहिला आणि ती file server वरच्या प्रत्येक user ला वाचता येईल अशी ठेवली. ती घट्ट करा: sudo chmod 640 /usr/share/nginx/html/wordpress/wp-config.php.

10. Dashboard आणि तुमची पहिली post

का: wp-admin हा site चा control room आहे. Site owner इथे काम करतो, जसं social media page सांभाळतो: लिहा, फोटो टाका, publish करा.

Post कशी लिहायची: समजा तुम्हाला कवितांचा छोटा blog हवा आहे.

1. Posts > Add Post. Title टाइप करा, मग त्याखाली text. प्रत्येक paragraph एक block असतो.
2. Block ला style द्यायला तो select करा. त्याच्या वरच्या toolbar मध्ये bold, italic आणि links असतात; उजव्या panel मध्ये text colour, background आणि font size (S, M, L, XL).
3. फोटो टाकायला स्वतःची image किंवा वापरायचा हक्क असलेली image वापरा. आधी upload करा: Media > Add Media File, किंवा Image block चं Upload button. ती Media Library मध्ये जाते, आणि image file तुमच्या server वर wp-content/uploads मध्ये store होते. दुसऱ्या website वरची image तिच्या URL ने टाकणं टाळा: ती कधीही गायब होऊ शकते, आणि बहुतेक वेळा ते दुसऱ्याचं काम असतं.
4. Publish, मग View Post दाबा. Site चा address नवीन tab मध्ये उघडा: post home page वर दिसते.
5. Posts > All Posts मध्ये तुमच्या posts दिसतात. Sample post Hello world! edit करता येते किंवा trash मध्ये टाकता येते.

11. Themes

का: Theme पूर्ण site कशी दिसेल ते ठरवते: layout, fonts, colours, header आणि footer. Content तेच राहतं; एका click मध्ये look बदलतो.

कसं:

1. Appearance > Themes मध्ये install केलेल्या themes दिसतात. चालू theme वर Active लिहिलेलं असतं.

1. दुसऱ्या theme वर, उदा. Twenty Eleven, mouse न्या आणि Activate दाबा. दुसऱ्या tab मधली site refresh करा: त्याच posts, नवीन look.

1. Add Theme मध्ये blogs, news, business आणि shops साठी हजारो free themes बघता येतात.
2. Theme किंवा plugin install करताना WordPress FTP connection details विचारत असेल, तर त्याला स्वतःच्या folder मध्ये लिहिता येत नाहीये. /usr/share/nginx/html/wordpress चा owner apache आहे का ते तपासा (section 8). FTP ने themes install करणं पुढच्या chapter मध्ये.

12. IP बदलला की site का बिघडते

का: EC2 वर WordPress मध्ये हे सगळ्यात जास्त येणारं आश्चर्य आहे. Install करताना WordPress तुम्ही वापरलेला address, http://SERVER-IP, wp_options table मध्ये siteurl आणि home म्हणून save करतो, आणि प्रत्येक link, image आणि CSS address त्यावरूनच बनवतो.

काय होतं:

1. Elastic IP नसलेल्या EC2 instance ला प्रत्येक stop आणि start नंतर नवीन public IP मिळतो.
2. तुम्ही नवीन IP उघडता. Page येतं, पण त्याच्या styles, images आणि links अजून जुन्या IP कडे जातात, जिथे कोणी उत्तर देत नाही. /wp-admin जुन्या IP कडे redirect होतं, म्हणून login सुद्धा करता येत नाही.

हे कसं टाळायचं:

1. Site live होण्याआधी server ला न बदलणारा address द्या: Elastic IP allocate करून instance ला associate करा, किंवा त्या Elastic IP कडे domain name point करा. WordPress त्याच address वर install करा.
2. Practice करताना काम चालू असताना instance stop करू नका, किंवा IP बदलला की site बिघडणार हे लक्षात ठेवा.
3. Save केलेला address Settings > General मध्ये दिसतो (WordPress Address आणि Site Address). IP आधीच बदललेली site कशी दुरुस्त करायची ते पुढच्या chapter मध्ये.

13. काही बिघडलं तर

का: WordPress install मध्ये अनेक छोट्या steps असतात, आणि प्रत्येक error message त्यातल्या एका step कडे बोट दाखवतो.

1. IP वर अजून "Welcome to nginx" किंवा तुमचं test page दिसतं: root अजून /usr/share/nginx/html कडे आहे, किंवा reload केलं नाही. Path दुरुस्त करा, sudo nginx -t, मग sudo service nginx reload.
2. Home page वर 403 Forbidden: nginx ला folder सापडला पण उघडायला index file नाही. index index.php; टाका आणि root /wordpress ने संपतो का ते तपासा.
3. प्रत्येक page ला 404 Not Found: root चा path folder च्या नावाशी जुळत नाही. /usr/share/nginx/html/WordPress म्हणजे /usr/share/nginx/html/wordpress नाही.
4. Installer म्हणतो PHP मध्ये MySQL extension नाही: php-mysqlnd install करा आणि php-fpm restart करा.
5. Error establishing a database connection: database name, user, password किंवा host तुम्ही बनवलेल्याशी जुळत नाही. नावांचे capital-small letters तपासा, आणि त्याच values mysql -u wpuser -p wordpressdb ने login करून test करा.
6. Installer ला wp-config.php लिहिता येत नाही: folder चा owner apache नाही. chown वापरा, 777 कधीच नाही.
7. Post links ला 404, पण home page चालतं: try_files ची ओळ नाही.

8. Screen 1 किंवा 2 मध्ये चूक झाली आणि परत सुरू करायचंय: database delete करून परत बनवा, मग site परत उघडा; त्याच wp-config.php सह installer परत चालतो. यामुळे site मधलं सगळं पुसलं जातं.

   sudo mysql -e "DROP DATABASE wordpressdb; CREATE DATABASE wordpressdb;"
   

   चूक database details मध्येच असेल तर wp-config.php सुद्धा delete करा, म्हणजे screen 1 परत येईल.

Practice झाल्यावर EC2 instance stop करा, आणि लक्षात ठेवा की Elastic IP नसेल तर त्याचा public IP बदलेल.

14. Hands-on lab: रिकाम्या server पासून पहिल्या post पर्यंत WordPress

हा lab का. Web चा मोठा भाग WordPress वर चालतो, आणि तो install करताना आत्तापर्यंतचं प्रत्येक कौशल्य लागतं: packages, services, nginx, database user आणि file permissions. खालच्या प्रत्येक step ला check आहे, म्हणजे लपलेला प्रॉब्लेम घेऊन installer पर्यंत पोहोचत नाही.

1. LEMP चे भाग install करा
   • Command: sudo yum install nginx mariadb105-server php php-fpm php-mysqlnd -y
   • काय दिसेल: Complete!
   • Check करा: php -m | grep -i mysqli → mysqli.
   • का: WordPress म्हणजे सगळं MySQL-compatible database मध्ये ठेवणारा PHP code. php-mysqlnd शिवाय तो "Your PHP installation appears to be missing the MySQL extension" वर थांबतो.
2. Services start करा
   • Command: sudo service nginx start; sudo service mariadb start; sudo service php-fpm start
   • काय दिसेल: तीन redirect ओळी.
   • Check करा: http://PUBLIC_IP/ मध्ये nginx test page दिसतं.
   • का: WordPress येण्याआधी test page दिसलं की nginx आणि port 80 चालतात हे सिद्ध होतं.
3. WordPress download करून उघडा
   • Command: cd /usr/share/nginx/html && sudo wget https://wordpress.org/latest.zip && sudo unzip -q latest.zip
   • काय दिसेल: latest.zip ... saved, मग prompt.
   • Check करा: ls wordpress मध्ये wp-admin, wp-content, wp-includes आणि index.php दिसतात.
   • का: Server वरचा wget थेट wordpress.org वरून download करतो. -q मुळे unzip हजारो file नावं print करत नाही.
4. Database आणि त्याचा user बनवा
   • करा: sudo mysql -u root -p मध्ये CREATE DATABASE wordpressdb;, CREATE USER 'wpuser'@'localhost' IDENTIFIED BY 'YOUR_STRONG_DB_PASSWORD'; आणि GRANT ALL ON wordpressdb.* TO 'wpuser'@'localhost'; चालवा.
   • Check करा: mysql -u wpuser -p wordpressdb -e "SELECT 1;" 1 print करतो.
   • का: WordPress ला फक्त स्वतःच्या database वर rights असलेला स्वतःचा user मिळतो. मग hack झालेला plugin तुमच्या दुसऱ्या databases ला हात लावू शकत नाही.
5. nginx ला WordPress कडे point करा
   • करा: /etc/nginx/nginx.conf मध्ये root /usr/share/nginx/html/wordpress; set करा आणि index index.php index.html; जोडा (section 5).
   • Check करा: sudo nginx -t → syntax is ok, मग sudo service nginx reload.
   • का: Index list मध्ये index.php नसेल तर nginx फक्त index.html शोधतो आणि 403 देतो.
6. WordPress ला त्याच्या folder मध्ये लिहू द्या
   • Command: sudo chown -R apache:apache /usr/share/nginx/html/wordpress
   • काय दिसेल: काहीच नाही.
   • Check करा: ls -ld /usr/share/nginx/html/wordpress मध्ये apache apache दिसतं.
   • का: Amazon Linux वर php-fpm apache user म्हणून चालतो. wp-config.php लिहायला आणि uploads save करायला folder त्याच्या मालकीचा हवा.
7. Installer चालवा
   • करा: http://PUBLIC_IP/ उघडा, भाषा निवडा, wordpressdb, wpuser, त्याचा password आणि localhost टाका, मग site title आणि admin login set करा.
   • काय दिसेल: Success!, मग login page.
   • Check करा: sudo mysql -u root -p -e "SHOW TABLES FROM wordpressdb;" wp_ ने सुरू होणारे tables दाखवतो.
   • का: Installer wp-config.php लिहितो आणि wp_ tables बनवतो. तो file लिहू शकला नाही, तर step 6 राहिली.
8. पहिली post publish करा
   • करा: http://PUBLIC_IP/wp-admin वर login करा, Posts → Add New वर जा, title आणि एक ओळ लिहा, आणि Publish दाबा.
   • Check करा: Home page वर तुमची post दिसते.
   • का: Post file म्हणून नाही, database मध्ये save होते. म्हणूनच WordPress साठी database चा backup घ्यायचा.
9. IP लिहून ठेवा, मग stop करा
   • करा: ज्या public IP वर install केलं तो लिहून ठेवा, मग instance stop करा.
   • Check करा: State Stopped.
   • का: WordPress ने तोच IP site address म्हणून save केला. Start नंतर IP बदलतो, आणि address सुरक्षितपणे कसा दुरुस्त करायचा ते पुढचा chapter दाखवतो.

15. पूर्ण class एका page वर

1. Framework developers ना app लिहायला भाग देतो; WordPress सारखा CMS ही dashboard मधून भरायची तयार website.
2. LEMP: sudo yum install nginx mariadb105-server php php-fpm php-mysqlnd -y, तीन services सुरू करा, index.html आणि एक PHP page test करा.
3. php-mysqlnd मुळे PHP MariaDB पर्यंत पोहोचतो; install केल्यावर फक्त php-fpm restart करा.
4. Stable https://wordpress.org/latest.zip download करा आणि /usr/share/nginx/html/wordpress मध्ये unzip करा, सगळे small letters.
5. Server block: server_name _;, root .../wordpress;, index index.php;, try_files $uri $uri/ /index.php?$args;; मग sudo nginx -t आणि reload.
6. Ubuntu: apt, /var/www/html, sites-available/default, php-mysql, user www-data.
7. CREATE DATABASE wordpressdb; आणि GRANT ALL ON wordpressdb.* असलेला wpuser, root कधीच नाही; small letters मधली नावं.
8. Folder ला chown -R apache:apache, folders 755, files 644, 777 कधीच नाही; install नंतर wp-config.php 640.
9. Screen 1: database name, user, password, localhost, prefix wp_. Screen 2: site title, वेगळं admin username, strong password, email, आणि search engine ची विनंती.
10. Dashboard: लिहायला आणि style द्यायला Posts, images साठी Media Library, look साठी Appearance > Themes.
11. WordPress त्याचा address save करतो; EC2 चा नवीन IP site बिघडवतो, म्हणून live होण्याआधी Elastic IP किंवा domain वापरा.
12. Installer परत चालवायला database drop करून परत बनवा.

16. Try at home

Recap

उजळणी, तुलना आणि मुलाखत cards

हा lesson काही मिनिटांत revise करा. Cards phone वर save करा किंवा PNG download करा. प्रत्येक card वरचा QR हा lesson उघडतो.

अजून cards: Ravi Sir's Cards.